გადადგეს ირაკლი ღარიბაშვილი, შეიქმნას ეროვნული თანხმობის დროებითი მთავრობა, რომელიც იანვრამდე უზრუნველყოფს ყველა რეკომენდაციის შესრულებას, ეს არის ქართველი ერის დაკვეთა და „სტრატეგია აღმაშენებელი“ ამ მოთხოვნებს მხარს უჭერს, – ამის შესახებ „სტრატეგია აღმაშენებლის“ წევრმა, პაატა მანჯგალაძემ განაცხადა.

„აქციაში მონაწილე საზოგადოებას უნდა, რომ საქართველოს გახდეს ევროპის ნაწილი, ევროპამ შემოგვთავაზა 12-პუნქტიანიგეგმა და ამის შესრულებისთვის ყველაფერი უნდა გავაკეთოთ. მეორეხარისხოვანია ჩვენთვის თანამდებობები, ეს არ არის ძალაუფლებისთვის ბრძოლა და იქ ხალხი შეკრებილი არ არის იმისთვის, რომ ძალაუფლება რომელიმე პოლიტიკურ ჯგუფს ან ვიწროპარტიულ ჯგუფს მიანიჭოს. ნორმალური მთავრობა რომ იყოს ქვეყანაში, რომელიც ანგარიშვალდებულია ხალხის წინაშე და ანგარიშს უწევს ხალხის აზრს, რა თქმა უნდა, 100 000 ადამიანი როცა გამოდის გადადგებოდა. ღარიბაშვილმა რომ იცოდეს საქართველოს ისტორია, ეკუთვნოდეს საკუთარ თავს, რა თქმა უნდა, გადადგებოდა, რადგან 100 000 ადამიანი ნიშნავს პოლიტიკურ დასასრულს, მაგრამ ამას ისინი არ გააკეთებენ, ამიტომ ჩვენ სამ ივლისს ვიქნებით ბევრად უფრო მეტი, ვიდრე ვიყავით გუშინ“, – განაცხადა მანჯგალაძემ.