სიგუამ, კიტოვანმა და იოსელიანმა შექმნეს ტექნიკური მთავრობა. იგივეს გაკეთება უნდათ მაქარაშვილს, გიგაურსა და ლომჯარიას, - ამის შესახებ მმართველი პარტიის თავმჯდომარემ ირაკლი კობახიძემ „პალიტრანიუსის“ ეთერში განაცხადა.

„ასეთი რაღაცები: ტექნიკური მთავრობა, ეროვნული თანხმობის მთავრობა და ა.შ. როგორც წესი, ხდება ხოლმე ხუნტის მიერ ხელისუფლების გადატრიალების შემდეგ. ანუ აქაც ამჟღავნებენ თავიანთ განზრახვას, - თქვა კობახიძემ და დაამატა, - თეორიულად ბევრი რამ შეიძლება მოხდეს, მაგრამ სტანდარტული შემთხვევა არის ეს: ჩვენ გვახსოვს 1992 წელს, ვიდრე ჩატარდებოდა ახალი საპარლამენტო არჩევნები, სიგუამ, კიტოვანმა და იოსელიანმა შექმნეს ტექნიკური მთავრობა. იგივეს გაკეთება უნდათ მაქარაშვილს, გიგაურსა და ლომჯარიას. რა თქმა უნდა, იმ წარსულში ვერ დავბრუნდებით, რომელიც იყო 1992 წელს,“ - თქვა კობახიძემ.

24 ივნისს გამართულ აქციაზე მოძრაობამ "შინ ევროპისკენ" ხელისფლების მიმართ მოთხოვნები გამოაცხადა: გადადგეს პრემიერ-მინისტრი ირაკლი ღარიბაშვილი და ეროვნული თანხმობით, შეიქმნას მთავრობა, რომელიც ევროკავშირის რეკომენდაციის 12-ვე პუნქტს შეასრულებს.