არახამია თავის ქვეყანას გაშმაგებით ებრძვის, – ამის შესახებ საპარლამენტო უმრავლესობის წევრმა, გია ცაგარეიშვილმა განაცხადა.

მისი თქმით, ასეთივე ქართველები იყვნენ სერგო ორჯონიკძე, ბუდუ მდივანი და იოსებ სტალინი.

"მილიონზე მეტმა ადამიანმა მისცა ხმა "ქართულ ოცნებას" ახლა არახამიებისნაირების გულის გასახეთქად მინდა ვთქვა, ამიტომ, ვერავითარი არახამია, ან სხვა ადამიანი, რომელიც გვარად არის ქართველი, თორემ ამ კაცს არაფერი არ სცხია ქართველური ჩემი აზრით, გაშმაგებით ებრძვის თავის ქვეყანას. მასეთი ქართველი იყო სერგო ორჯონიკძეც, ბუდუ მდივანი და იოსებ სტალინიც, ასეთი ქართველები იყვნენ, რომლებმაც ამოაგდეს და მოსპეს საქართველო, ასეთი ქართველები იყვნენ, როგორიც არახამია დღეს, რომელიც გაშმაგებით ებრძვის თავის ქვეყანას, გაშმაგებით. გამარჯობა - იცის მარტო, ერთი სიტყვა ქართულად. ახლა აქ რომ მედია არ იყოს, ერთი სამ სიტყვას მე შევახსენებდი კიდევ ქართულად, ისე კარგად რა", - თქვა ცაგარეიშვილმა.