16 აგვისტოს ლატვიის პრეზიდენტის რეზიდენციაში, ლატვიის პრეზიდენტმა ეგილს ლევიტსმა რწმუნებათა სიგელები გადასცა საქართველოში ლატვიის რესპუბლიკის ახალ საგანგებო და სრულუფლებიან ელჩს ედიტე მედნეს.

პრეზიდენტის ადმინისტრაციის ინფორმაციით, ედიტე მედნე საგარეო საქმეთა სამინისტროში 1995 წლიდან მუშაობს. სხვადასხვად დროს ის მუშაობდა ევროკავშირში ლატვიის დიპლომატიურ მისიაში, ადმინისტრაციის დირექტორის ოფისში, ასევე ხელმძღვანელობდა ქონებისა და საინვესტიციო პოლიტიკის დეპარტამენტს და დიპლომატიური საშუალებების დეპარტამენტს.

2018 წლიდან ის იყო ირლანდიაში ლატვიის დიპლომატიური მისიის მეთაურის მოადგილე.

ედიტე მედნე ჩაანაცვლებს ინგრიდა ლევრენსს, რომელიც 2018 წლიდან მსახურობდა საქართველოში ელჩად.