ჩვენ ვერ დავაბრალებთ მათ, რომ რაღაც არასწორ ინფორმაციას ახმოვანებენ, ბევრი სიმართლე წერია იქ, - ასე ეხმიანება "ქართული ოცნების" ფრაქციის თავმჯდომარე მამუკა მდინარაძე მისი პარტიიდან გამოყოფილი ოთხეულის დღევანდელ განცხადებას.

მისი თქმით, პასუხგაუცემელია ისტერიული კამპანია, „თვალთხარიას“ შემდეგ რატომ გაჩუმდა ოპოზიცია.

„გახსოვთ ალბათ ისტერიული კამპანია, „თვალთხარია“ და ა.შ. - ერთ მშვენიერ დღეს რატომ გაჩუმდა მთელი ოპოზიციური მედია ამ საკითხთან დაკავშირებით, რატომ შეკრეს პირი, რომ გახარიას არ შეხებოდნენ, ამ კითხვაზე პასუხი არაა გაცემული. „ხალხის ძალის“ წერილი შეგიძლიათ ამის პასუხადაც მიიღოთ. ჩვენ ვერ დავაბრალებთ მათ, რომ რაღაც არასწორ ინფორმაციას ახმოვანებენ, ბევრი სიმართლე წერია იქ", - ამბობს მდინარაძე.

"ოცნებიდან" წასულმა ოთხეულმა დღეს მორიგი განცხადება გაავრცელა. მათი თქმით, გიორგიგახარიამ შინაგან საქმეთა მინისტრობა პოლიციის დაზიანებისა და მოშლის მიზნით მოითხოვა.