საქართველო დღესაც მზად არის, როგორც ეს ყოფილმა გენერალურმა მდივანმა რასმუსენმა თქვა, თუმცა NATO არ არის დღეს მზად, ალბათ, რომ საქართველო მიიღოს, - თქვა „ქართული ოცნების“ დეპუტატმა, ირაკლი ზარქუამ.

მისი თქმით, საქართველომ კიდევ უფრო მეტად უნდა გააძლიეროს ძალისხმევა.

„ჩვენ მუხლობრივად, ნაბიჯ-ნაბიჯ ვუახლოვდებით ევროატლანტიკურ სივრცეს. აქედან გამომდინარე სხვა ქვეყნებს რაც აქვთ დაჩქარებული ვარიანტი, რაღაც მცდელობები, მე მესმის მათი, რომ უკრაინა დღეს ყველაზე მეტ განსაცდელშია, მაგრამ პასუხიც გავიგეთ, რომ არ აპირებენ ამ ეტაპზე დაჩქარებული ვარიანტით განხილვას. აქ საუბარია პირველ ეტაპზე ფინეთისა და შვედეთის გაწევრიანებაზე.

ჩვენ კიდევ ერთხელ ვამბობთ, რომ საქართველო დღესაც მზად არის, როგორც ეს ყოფილმა გენერალურმა მდივანმა რასმუსენმა თქვა, თუმცა NATO არ არის დღეს მზად, ალბათ, რომ საქართველო მიიღოს. ამიტომ ჩვენ კიდევ უფრო მეტად გავაძლიერებთ ძალისხმევას“, - ამბობს ქართული ოცნების დეპუტატი, ირაკლი ზარქუა.