უკრაინელმა სამხედროებმა დონეცკის ოლქის ქალაქ ლიმანის შესასვლელთან უკრაინის დროშა აღმართეს.

ვიდეო-კადრებს უკრაინის პრეზიდენტის ოფისის ხელმძღვანელი ანდრეი ერმაკი ავრცელებს.

„1-ელ ოქტომბერს ჩვენი სახელმწიფო დროშა აღვმართეთ ჩვენს მიწაზე ლიმანში. ყველაფერი იქნება, უკრაინა“, - ამბობს ერმაკი.

ამასთან, უკრაინის შეიარაღებულ ძალებში ადასტურებენ, რომ ქალაქი სრულ ალყაშია მოქცეული, სადაც ხუთი ათასი რუსი ჯარისკაცია ჩარჩენილი.

ლუჰანსკის ოლქის სამხედო-საოლქო ადმინისტრაციის ხელმძღვანელის სერჰი გაიდაის ინფორმაციით, ლიმანში მყოფმა რუსმა სამხედროებმა ხელმძღვანელობას ქალაქიდან გასვლის თხოვნით მიმართეს, თუმცა უარი მიიღეს. უკრაინის არმიის დანაყოფებმა ლიმანთან კიდევ ხუთი დასახლებულ პუნქტი გაათავისუფლეს.

ლიმანის აღება უკრაინის არმიას საშუალებას მისცემს შეუტიოს რუსეთის პოზიციებს ლუჰანსკის ოლქის დასავლეთ საზღვრის გასწვრივ და სევეროდონეცკ-ლისიჩანსკის მიდამოებში.