საქართველოს საგარეო საქმეთა მინისტრის პირველმა მოადგილემ დავით ზალკალიანმა, ქ. ჟენევაში გაერო-ს ადამიანის უფლებათა საბჭოს სესიაშიმიიღო მონაწილეობა, სადაც სიტყვით გამოვიდა მაღალი დონის პანელზე „human rights mainstreaming". 

ღონისძიება მთლიანად დაეთმო 2030 მდგრადი განვითარებისა და ადამიანის უფლებების დღის წესრიგს. 

მინისტრის პირველმა მოადგილემ საკუთარი გამოსვლა მთლიანად დაუთმო მდგრადი განვითარების საკითხებზე საქართველოს მიდგომებსადა სახელმწიფოს მიერ გატარებულ ღონისძიებებს.

დავით ზალკალიანმა ისაუბრა ჯანდაცვის სფეროში ქვეყანაში განხორციელებულ რეფორმებზე. მისი განცხადებით მოსახლეობის ჯანმრთელობის დაჯანსაღი წესით ცხოვრების უზრუნველყოფა მთავრობის მთავარი პრიორიტეტია. მან წარმატებულ მაგალითად მოუყვანა C ჰეპატიტის პროექტი და ასევესაყოველთაო ჯანდაცვის სისტემა. 

სიტყვით გამოსვლისას, მინისტრის პირველმა მოადგილემ ხაზი გაუსვა კარგი მმართველობის სფეროში რეფორმების გაგრძელების აუცილებლობას, რომელიც ორიენტირებულია ქვეყანაში მმართველობის ეფექტური სისტემის ჩამოყალიბებაში.
მდგრადი განვითარების პროგრამის მთავარ პრიორიტეტად რჩება გენდერული თანასწორობის საკითხი. მინისტრის მოადგილემ ამ მხრივ კიდევერთხელ აღნიშნა გასულ წელს საქართველოში გენდერული თანასწორობის საკითხებზე მაღალი დონის საერთაშორისო კონფერენციის გამართვა.
მინისტრის მოადგილემ საერთაშორისო თანამეგობრობის ყურადღება მიაპყრო იმ გარემოებას, რომ რუსეთის მხრიდან საქართველოს რეგიონებისოკუპაციის ფაქტი მნიშვნელოვან ზიანს აყენებს ქვეყნის მდგრადი განვითარების მიზნების განხორციელებას.