უკრაინის შეიარაღებული ძალები დონეცკის ქალაქ ლიმანში შევიდნენ. ქალაქში ბრძოლები გრძელდება.

„ჩვენ უკვე ლიმანში ვართ. თუმცა გრძელდება ბრძოლები. დეტალები მოგვიანებით გახდება ცნობილი“, - განაცხადა უკრაინის შეიარაღებული ძალების აღმოსავლეთ დაჯგუფების სპიკერმა სერჰი ჩერევატიმ ეროვნული მარათონის ეთერში.

რუსეთის თავდაცის სამინისტრო ადასტურებს, რომ რუსეთის ძალებმა ლიმანი დატოვეს.

ინფორმაციას „რის ნოვოსტი“ რუსეთის თავდაცვის სამინისტროს ოფიციალურ წარმომადგენელზე დაყრდნობით ავრცელებს.

"ალყაში მოქცევის საფრთხის გამო, მოკავშირეთა ძალებმა დატოვეს კრასნი ლიმანი (ლიმანის ძველი სახელწოდება) და უკან დაიხიეს უფრო ხელსაყრელ პოზიციებზე“, - განაცხადეს რუსეთის თავდაცვის სამინისტროში.