რუსეთის დიქტატორ ვლადიმირ პუტინს, სავარადუოდ, ზაპოროჟიესა და ხერსონის ოლქები უფრო მეტად აინტერესებს, ვიდრე ლუჰანსკის რეგიონი.

ამის შესახებ ამერიკის ომის შემსწავლელი ინსტიტუტის (ISW) ინფორმაციაშია ნათქვამი.

„ლიმანთან მარცხი იმაზე მიუთითებს, რომ რუსეთის პრეზიდენტი ვლადიმირ პუტინი ნაკლებად პრიორიტეტულად მიიჩნევს ლუჰანსკის ოლქის დაცვას და მეტ ყურადღებას უთმობს უკრაინის სამხრეთით ოკუპირებული ტერიტორიების შენარჩუნებას“, - აღნიშნულია ანგარიშში.

უკრაინული და რუსული წყაროები გამუდმებით აღნიშნავენ, რომ რუსეთის ჯარი აგრძელებს პოზიციების გამაგრებას ხერსონისა და ზაპოროჟიეს ოლქებში, ხარკოვი-იზიუმის ფრონზტე განცდილი კრახისა და ლიმანში რუსეთის ძალების ალყაში მოქცევის მიუხედავად.

ექსპერტების თანახმად, ის, რომ არ გაემაგრებინათ ფრონტის ხაზი კუპიანსკსა და ლიმანში, სავარაუდოდ პუტინის გადაწყვეტილება იყო და არა სამხედრო სარდლობის. ეს კი იმას მოწმობს, რომ პუტინი ცდილობს უფრო მეტად  დაიცვას სტრატეგიულად მნიშვნელოვანი რაიონები ხერსონისა და ზაპოროჟიეს ოლქებში, ვიდრე ლუჰანსკში.