ევროკავშირმა რუსეთის წინააღმდეგ სანქციათა მერვე პაკეტი შეათანხმა
ევროკავშირის ელჩებმა შეათანხმეს რუსეთის წინააღმდეგ სანქციების მერვე პაკეტი, რომელიც მოიცავს რუსეთის ნავთობის ფასების ზედა ზღვრის დაწესებას.
გავრცელებული ინფორმაციით, მერვე პაკეტის ფარგლებში შეთანხმდება ფასების ზედა ზღვრის დაწესების სამართლებრივი საფუძვლები. გარდა ამისა, შეზღუდვებს შემოიღებენ რუსეთის ფოლადის მრეწველობის წინააღმდეგ. როგორც მოსალოდნელია, სანქციების ახალი პაკეტის დამტკიცების შემდეგ ევროკავშირის წევრი ქვეყნების მოქალაქეებს აეკრძალებათ რუსეთის სახელმწიფო კომპანიების მმართველი ორგანოების წევრობა.
