ბრიტანეთის თავდაცვის სამინისტროს სამხედრო დაზვერვის თანახმად, რუსეთი ემზადება საოლქო ცენტრის დასაცავად, თუმცა სამხედრო თვალსაზრისით მათთვის უმჯობესი იქნებოდა უკან დახევა.

დაზვერვის ანგარიშში ნათქვამია, რომ უკრაინის შეიარაღებულმა ძალებმა ხერსონის ოლქში ახალი შეტევითი ოპერაცია 2 ოქტომბერს დაიწყეს. სამხრეთისკენ წინ წაწევისას უკრაინულმა დანაყოფებმა ფრონტის ხაზი კიდევ 20 კმ-ით გადასწიეს და მდინარე ინგულეცის აღმოსავლეთ და დნიპროს დასავლეთ სანაპიროებზე პოზიციები დაიკავეს.

უწყების ანგარიშში აღნიშნულია, რომ რუსეთის სარდლობა, სავარაუდოდ, ხედავს ნოვა კახოვკისა და ხერსონის ოლქისთვის მზარდ საფრთხეებს, რადგან ამ რაიონში დნიპროს დაზიანებული გადასასვლელი ერთ-ერთია მათ ხელთ არსებული მცირე გზებიდან, ძალების შესავსებად.  

დაზვერვას მიაჩნია, რომ რუსეთი დგას არჩევანის წინაშე - გაიყვანოს დნიპროს მეშვეობით ძალები, რადგან ეს ხერსონის დანარჩენ ნაწილში მათთვის თავდაცვას უფრო საიმედოს გახდის, ან დარჩეს ხერსონში და შეინარჩუნოს, ვინაიდან ეს მათი მთავარი პოლიტიკური ამოცანაა.

ბრიტანეთის დაზვერვის მონაცემებით, რუსეთმა თავისი ძალიან დაუკომპლექტებელი საჰაერო-სადესანტო ძალები სწორედ ხერსონში გაგზავნა.