უკრაინის შეიარაღებულმა ძალებმა რუსეთის სრულმასშტაბიანი აგრესიის დაწყებიდან უკვე 1 620 დასახლებული პუნქტი გაათავისუფლეს.

ამის შესახებ უკრაინის პრეზიდენტის ოფისში აცხადებენ.

„დღეს მნიშვნელოვანი დღესასწაულია - უკრაინის დამცველთა დღე... რუსი ოკუპანტებისაგან უკვე გათავისუფლებულია 1 620 დასახლებული პუნქტი“, - ნათქვამია პრეზიდენტის ოფისის განცხადებაში.

მათივე ინფორმაცით, ხერსონის ოლქში უკვე გათავისუფლებულია 75 დასახლება.

სამხრეთით გრძელდება უკრაინელების კონტრშეტევა. ამ დროისათვის იუჟნობუგის მიმართულებაზე ვითარება სტაბილურად რთულია, თუმცა კონტროლირებადი.

9 ოქტომბრის მონაცემებით, უკრაინის ძალებმა ხერსონის მიმართულებაზე უკვე გაათავისუფლეს 1 170 კვადრატული კილომეტრი. იმ დროს, როცა პუტინი თებერვლის შემდეგ დაპყრობილ ტერიტორიებს კარგავს, დონბასში რუსების  მონოტომური, წარუმატებელი იერიშები გრძელდება.

ამასთან, ვრცელდება ინფორმაცია, რომ 13 ოქტომბერს უკრაინის შეიარაღებულმა ძალებმა მოიგერიეს მტრის შეტევები ტრენიის, ოპიტნოეს, ვესელოეს, ნეველსკის, ოდრადოვკის, ივანგრადის, ბახმუტის, ნოვა კამენკასა და სუხოი პრუდის მიმართულებებზე.

დასავლელი ექსპერტები აღნიშნავენ, რომ უკვე ძალიან მალე საბრძოლო მოქმედებების ზონაში რუსეთის ძალების შეტევა, შესაძლოა, მათი მორალური მდგომარეობის გაუარესების, დისციპლინის არარსებობისა და ბრძოლისუუნარობის გამო შეჩერდეს,  უკრაინის შეიარაღებული ძალების შეტევის მოლოდინში ოკუპანტები განაგძობენ თავდაცვით ოპერაციებს კრემენაიას გარშემო.