რუსმა ოკუპანტებმა დილით, კიევის ოლქი დაბომბეს. დაზიანდა ენერგეტიკული ინფრასტრუქტურა. ინფორმაციას „უკრენერგო“ ავრცელებს.

 „დღეს მტერმა მორიგი ბარბაროსული თავდასხმა განახორციელა კრიტიკული ინფრასტრუქტურის წინააღმდეგ. შედეგად კიევის ოლქის ენერგეტიკულმა ინფრასტრუქტურამ მძიმე დაზიანება მიიღო. „უკრენერგოს“ სპეციალისტები ადგილზე უკვე მუშაობენ, რათა აღადგინონ კიევისა და ცენტრალური რეგიონის სრული ენერგომომარაგება“, - ნათქვამია კომპანიის განცხადებში.

ამასთან, კომპანიაში აცხადებენ, რომ მოსალოდნელია შეფერხებები ელეტქრომომარაგებაში.

ოლქის სამხედრო ხელმძღვანელის, ალექსეი კულებას განცხადებით, სამიზნე ერთ-ერთი დასახლება გახდა, თუმცა წინასწარი ინფორმაციით, დაბომბვას მსხვერპლი არ მოჰყოლია.

აფეთქებების ხმა კიევსა და ბუჩაში დილის 7 საათზე გაისმა.

კომპანია მოსახლეობას სთხოვს დაზოგონ ელექტროენერგიის მოხმარება.