აშშ-მ უკრაინისთვის დამატებით $725 მილიონის სამხედრო დახმარების პაკეტი გამოყო.

შეერთებული შტატების თავდაცვის დეპარტამენტმა უკრაინისთვის სამხედრო დახმარების ახალი პაკეტის დეტალები  გამოაქვეყნა. უწყების ცნობით, 725 მლნ დოლარის ღირებულების პაკეტში შევა:

დამატებითი საბრძოლო მასალა მაღალმობილური ამერიკული სარაკეტო სისტემებისთვის (HIMARS);

23 ათასი 155 მმ-იანი საარტილერიო ჭურვი;

500 მაღალი სიზუსტის 155 მმ-იანი საარტილერიო ჭურვი;

5 000 155 მმ-იანი ჭურვი

5 000 155 მმ-იანი ჭურვი დისტანციური ტანკსაწინააღმდეგო სისტემებისთვის (RAAM);

5 000 ერთეული ტანკსაწინააღმდეგო შეიარაღება;

მაღალსიჩქარიანი სარადარო რაკეტები (HARM);

200-ზე მეტი მაღალმობილური მრავალფუნქციური ბორბლიანი სატრანსპორტო საშუალება(HMMWV);

ცეცლხსასროლი იარაღი და მისთვის საჭირო 2 000 000 საბრძოლო მასალა;

სამედიცინო საშუალებები.

აშშ-ის პრეზიდენტმა, ჯო ბაიდენმა უკრაინისთვის 725 მილიონი დოლარის ოდენობით სამხედრო დახმარების ახალი პაკეტის გამოყოფის შესახებ განკარგულებას  ხელი უკვე მოაწერა.

პენტაგონის განცხადებით, 2021 წლის იანვრიდან აშშ-მა უკრაინის უსაფრთხოების სფეროში დახმარების სახით 18,2 მლრდ დოლარი გამოყო.

თეთრ სახლში აცხადებენ, რომ დაწყებულია მუშაობა უკრაინისთვის საჰაერო თავდაცვის სისტემების NASAMS-ის დაჩქარებული წესით გადაცემაზე.