ეს ომი დამთავრდება უკრაინის გამარჯვებით, უკრაინის რეკონსტრუქციით და ჩვენი და ევროკავშირის გაერთიანებით", - თქვა საქართველოს პრეზიდენტმა სალომე ზურაბიშვილმა მოლდოველ კოლეგასთან, მაია სანდუსთან ერთად გამართულ პრესკონფერენციაზე.

სალომე ზურაბიშვილმა უკრაინაში მიმდინარე ომსა და ასოცირების ტრიოს ევროპულ პერსპექტივაზე ისაუბრა.

მისი თქმით, პეტრას სამიტი ევროკავშირთან გაერთიანებით დასრულდება.

"ღრმად მჯერა, სამივე ქვეყანა, რომლებმაც მივიღეთ ასოცირება პეტრას სამიტიდან, ტრიოს ფორმით და დავიწყეთ ევროინტეგრაციის აქტიური ფაზა, ვნახავთ ამ გზის შედეგს და ჩვენი ქვეყნების ევროინტეგრაციის.

ეს ომი დამთავრდება უკრაინის გამარჯვებით, უკრაინის რეკონსტრუქციით და ჩვენი და ევროკავშირის გაერთიანებით", - განაცხადა სალომე ზურაბიშვილმა.

სალომე ზურაბიშვილის თქმით, ტრიოს წევრები ევროინტეგრაციის კუთხით ერთსა და იმაზე პერსპექტივაში რჩებიან და ერთი და იმაზე გზაზე მიდიან.

"ჩვენ შემთხვევაში 12 რეკომენდაციაა და ეს არის გამოწვევა მთლიანად ჩვენი ქვეყნისთვის რამდენად შევასრულებთ, რა სისწრაფით, რა ეროვნული თანხმობით შევასრულებთ და არა ცალ -ცალკე და ერთი მეორეს წინააღმდეგ. ამ გზაზე, თუ რამდენად შევძლებთ და შევასრულებთ, ამითი იქნება განსაზღვრული ჩვენი ევროპული მომავალი, ამიტომ ვამბობ რომ ჩვენ თავთან გვაქვს ეს გამოწვევა და არავისთან შედარებები არაფერს არ გვაძლევს გარდა იმისა, რომ ჩვენ ვართ სოლიდარულები ერთმანეთის და უნდა ვიყოთ კიდევ უფრო მკაფიოდ, იმიტომ რომ სოლიდარობა არის ჩვენი ნაბიჯი რუსეთის ქმედებებზე",- თქვა პრეზიდენტმა.

მან ასევე უკრაინაში მიმდინარე ომი შეაფასა და თქვა, რომ ეს არის უდიდესი საფრთხე, არა მხოლოდ საქართველოსთვის ან მოლდოვისთვის, არამედ, ევროპისთვის და მთლიანად მსოფლიოსთვის.

"ამიტომ არ შეიძლება გაიმარჯვოს აგრესიამ, არ შეიძლება გაიმარჯვოს უსამართლობამ, არ შეიძლება, გაიმარჯვოს არაადამიანურობამ. ჩვენთვის, როგორც ქვეყნისთვის, რომელსაც ოკუპირებული ტერიტორიები გააჩნია, გამოწვევა კიდევ უფრო მძაფრია...

მთავარი იარაღი რუსეთის სისასტიკის წინააღმდეგ ის უპრეცედენტო სოლიდარობაა, რომელსაც საერთაშორისო თანამეგობრობა იჩენს უკრაინის მიმართ, განსაკუთრებულია ამერიკისა და ევროკავშირის ქმედითი სოლიდარობა, რომელსაც საქართველო და მოლდოვა სრულიად უერთდება.

უკრაინის ომი ევროპისთვის უდიდესი გამოწვევაა, მაგრამ უნდა ითქვას, რომ ევროპამ დაინახა რუსეთის ნამდვილი სახე. ჩვენ გავლილი გვაქვს სხვა პერიოდები, სხვა ომები, სხვა ოკუპაციები, როცა ევროპის ჩვენი პარტნიორები რუსეთს სხვა თვალით უყურებდნენ".

სალომე ზურაბიშვილმა დაგმო რუსეთის აგრესია უკრაინის წინააღმდეგ და საქართველოსა და ქართველი ხალხის სახელით სოლიდარობ გამოუცხადას უკრიანასა და უკრაინელ ხალხს.