უკრაინის პრეზიდენტის ვოლოდიმირ ზელენსკის განცხადებით, 2022 წლის 10 ოქტომბრის შემდეგ კრიტიკულ ობიექტეზე რუსეთის თავდასხმების შედეგად  უკრაინის ელექტროსადგურების მესამედი განადგურებულია, რაც მთელს ქვეყანაში ელეტქროენერგიის მასშტაბური გამორთვის მიზეზი გახდა.

„რუსეთის კიდევ ერთი ტერორისტული თავდასხმა ენერგეტიკული და კრიტიკული ინფრასტრუქტურის წინააღმდეგ. 10 ოქტომბრის შემდეგ განადგურდა უკრაინის ელექტროსადგურების 30%, რამაც გამოიწვია ელექტროენერგიის მასობრივი გამორთვა მთელს ქვეყანაში“, -წერს ზელენსკი Twitter-ში.

ზელენსკიმ ხაზგასმით აღნიშნა, რომ „პუტინის რეჟიმთან მოლაპარაკების სივრცე აღარ დარჩა“.

18 ოქტომბერს, რუსეთმა მორიგი იერიში მიიტანა უკრაინის წინააღმდეგ. ოკუპანტებმა ძლიერი დარტყმები განახორციელა დნიპროს ენერგოობიექტებზე ამის გარდა, დაბომბა კრიტიკული ინფრასტრუქტურა კიევსა და ჟიტომირში.