ბრიტანეთის დაზვერვა არ გამორიცხავს, რომ რუსეთის ხელისუფლება სერიოზულად ფიქრობს ხერსონის მარჯვენა ნაპირის პლაცდარმიდან უკან დახევას, თუმცა დანგრეული ხიდების პირობებში ეს რთული ამოცანა იქნება. ამის შესახებ ბრიტანეთის თავდაცვის სამინისტროს მიმოხილვაშია აღნიშნული. იუწყება უკრაინული მედია.

ანგარიშში ნათქვამია, რომ უკრაინაში რუსეთის ჯარების სარდლის სერგეი სუროვკინის აღიარება ხერსონში რუსეთისთვის შექმნილი რთული ვითარებისა და მოქალაქეების ევაკუაციის შესახებ, მიანიშნებს, რომ რუსეთი მასშტაბურ უკან დახევას გეგმავს.

„სუროვკინის განცხადება სპეციალურ სამხედრო ოპერაციასთან“ დაკავშირებით ცუდი ამბების შესახებ - ძალიან უჩვეულოა. ეს, შესაძლოა, ნიშანვდეს იმას, რომ რუსეთის ხელმძღვანელობა სერიოზულდ ფიქრობს დნეპრის დასავლეთიდან თავისი ძალების მასშტაბურ გაყვანზე“, - აღნიშნულია მიმოხილვაში.

ბრიტანეთის დაზვერვაში ამბობენ, რომ თუ რუსეთი გადაწყვეტს უკან დახევას, მათთვის მთავარი გამოწვევა იქნება ჯარებისა და აღჭურვილობის გადატანა დნეპრის მარცხენა სანაპიროზე.