ევროსაბჭოს კომისიამ დაამტკიცა ირანის წინააღმდეგ სანქციების პაკეტი რუსეთისთვის ირანული წარმოების მოიერიშე დრონების Shahed-136-ების მიწოდებისთვის, რომლებიც რუსეთის უკრაინის ტერიტორიაზე თავდასხმებისთვის  გამოიყენა. ინფორმაცია ევროკავშირის მორიგე თავმჯდომარე ქვეყნის, ჩეხეთის Twitter-ზე გამოქვეყნდა.

 აღნიშნულია, რომ „ევროკავშირის ქვეყნებმა მიიღეს გადაწყვეტილება გაყინონ სამი ფიზიკური პირისა და ერთი ორგანიზაციის აქტივები, რომელბიც პასუხისმგებლები არიან უპილოტო საფრენი აპარატების მიწოდებაზე. ასევე მზად არიან სანქციები გაავრცელონ კიდევ ოთხ ირანულ ორგანიზაციაზე, რომლებიც უკვე ფიგურირებდნენ წინა სანქციების სიაში“.