რუსეთის არმიამ დასავლეთ ხერსონიდან თავისი ძალების გაყვანა დაიწყო. ამის შესახებ ნათქვამია ამერიკის ომის შემსწავლელი ინსტიტუტის (ISW) მორიგ მიმოხილვაში

ანალიტიკოსები ეყრდნობიან უკრაინის არმიის ინფორმაციებს. უკრაინის შეიარაღებულ ძალებში აცახდებენ, რომ რუსეთის ძალებს აქტიურად გააქვთ საბრძოლო მასალა, ტექნიკა და გაჰყავთ ზოგიერთი ქვედანაყოფი დნეპრის დასავლეთ ნაპირიდან აღმოსავლეთ ნაპირზე. ამასთან, საოკუპაციო ძალებმა ორი ათასამდე მობილიზებული სამხედრო ფრონტის ხაზის შესაკავებლად გადაისროლეს, სავარუდოდ, ჯარების გაყვანის პროცესის დასაცავად.

ამასთან, ISW-ის ანგარიშში აღნიშნულია, რომ დანაყოფი, რომელიც აკავებს თავდაცვას და დანარჩენი ძალების გაყვანის პროცესს იცავს, გაწვრთნილი და კარგად მომზადებულია. „ნაკლებსავარაუდოა, რომ ცუდად გაწვრთნილი, ცოტა ხნის წინ მობილიზებული რუსი რეზერვისტები გაუძლებენ და წინააღმდეგობას გაუწევენ უკრაინელების კონტრშეტევას, თუ კი უკრაინის ძალები გადაწყვეტენ შეუტიონ და უკან დახეულ ძალებს ბოლომდე მიჰყვნენ“, - წერს  ISW.

ამის გარდა, ომის შემსწავლელი ინსტიტუტი იმეორებს პროგნოზს, რომ რუსეთი, სავარაუდოდ, ხერსონის ოლქში კახოვკის ჰიდროელექტროსადგურის აფეთქებას გეგმავს უკან დახევის დასაცავად, რათა არ მისცეს უკრაინის ჯარს რუსეთის ძალები ხერსონის ოლქის სიღრმისკენ განდევნონ.

 „უკრაინას არ გააჩნია კაშხლის აფეთქების მატერიალური ინტერესი, რომელსაც შეუძლია 80 უკრაინული ქალაქის დატბორვა და ასობით ათასი ადამიანის გადაადგილება, რომელიც უკრაინის ისედაც დასუსტებულ ენერგომომარაგებას უდიდეს ზიანს მიაყენებს“, - აღნიშნავენ ISW-ში.