თურქული კომპანია Baykar Makina უკრაინაში ქარხნის მშენებლობის დასრულებას ორ წელიწადში გეგმავს.

ამის შესახებ აღმასრულებელმა დირექტორმა ჰალუქი ბაირაქტარმა განაცხადა. იუწყება Reuters.

მისი თქმით, რუსეთის შეჭრის გამო შექმნილი ზოგიერთი წინააღმდეგობის მიუხედავად, მშენებლობის გეგმები წინ მიიწევს.

 „ჩვენი გეგმა რეალიზდება. ამჟამად გვაქვს არქიტექტურული პროექტი. დეტალური პროექტირების ფაზა დასრულებულია. და ჩვენ შევუდგებით მშენებლობას...ორი წლის განმავლობაში ჩვენ ამის {მშენებლობის} დასრულება გვსურს“, - თქვა ბაიარაქტარმა.

სააგენტო აღნიშნავს, რომ უკრაინა მნიშვნელოვან ადგილს იკავებს Baykar-ის მიწოდების ჯაჭვში, განსაკუთრებით, როცა ეს ეხება მძიმე უპოლოტო საფრენ აპარატს Akinci-ს და უპილოტო გამანადგურებელ Kizilelma-ს ან Golden Apple-ს, რომლებიც ამჟამად მუშავდება. ორივე იყენებს უკრაინულ მოტორ სიჩისა და ივჩენკო-პროგრესის ძრავებს.