ამერიკის ომის შემსწავლელი ინსტიტუტის (ISW) ანალიტიკოსები მორიგ ანგარიშში აღნიშნავენ, რომ ირანელები რუსეთისთვის დრონების ახალი პარტიის, ასევე ბალისტიკური რაკეტების გადაცემისთვის ემზადებიან და გამოთქვამენ ვარაუდს, რომ ეს გამოიწვევს რუსეთის მზარდ დამოკიდებულებას ირანულ იარაღზე.

უკრაინის დაზვერვისა და დასავლელი ექსპერტების მონაცემებით, ირანი უახლოეს მომავალში რუსეთს მიაწვდის მოკლე რადიუსის ბალისტიკურ რაკეტებსა და ასობით ახალ კამიკაძე დრონებს, რომლის მეშვეობითაც რუსული ძალები უკრაინის სამოქალაქო ინფრასტრუქტურას დარტყმებს აყენებენ.

„რუსეთი სავარაუდოდ, შეთანხმდა {ირანთან} ირანული იარაღის დამატებით მიწოდებაზე უკრაინაში ომის მიმდინარეობისას ფრთოსანი რაკეტებისა და დრონების საკუთარი მარაგების ამოწურვის ფონზე, {რომლის წინაშეც ის დადგა } განსაკუთრებით უკრაინის კრიტიკული მნიშვნელობის ინფრასტრუქტურის წინააღმდეგ იერიშების დროს. რუსეთი, სავარაუდოდ, გააგრძელებს დრონებითა და რაკეტებით დარტყმებს ინფრასტრუქტურის წინააღმდეგ და ამით შეეცდება ფრონტზე წარუმატებლობის კომპენსირება მოახდინოს“, - აღნიშნავენ ISW-ის ექსპერტები.