ჩვენ ყოველთვის პატივისცემითა და სითბოთი ვეპყრობოდით და ვეპყრობით უკრაინელ ხალხს, - ამის შესახებ რუსეთის პრეზიდენტმა ვლადიმირ პუტინმა განაცხადა. იუწყება რუსული სამთავრობო მედია „რია ნოვოსტი“

„სიტუაცია უკრაინაში მისმა ე.წ. მეგობრებმა იქამდე მიიყვანეს, რომ რუსეთისთვის სასიკვდილო და უკრაინელი ხალხისთვის თვითმკვლელი გახდა.

ჩვენ ამას საბრძოლო მოქმედებებში ვხედავთ. უბრალოდ უცნაურია, რაც იქ ხდება.

თითქოს უკრაინელები არ არსებობენ. სწორედ უკრაინა და უკრაინელი ხალხია მთავარი მსხვერპლი რუსების, რუსეთის მიმართ მიზანმიმართული სიძულვილის კამპანიის.

რუსეთში ყველაფერი პირიქითაა. ჩვენ ყოველთვის პატივისცემითა და სითბოთი ვეპყრობოდით და ვეპყრობით უკრაინელ ხალხს, ასე იყო და არის, დღევანდელი ტრაგიკული წინააღმდეგობის მიუხედავად“, - თქვა პუტინმა.

4 ნოემბერს რუსეთში ეროვნული ერთიანობის დღეს აღნიშნავენ. პუტინმა თავისი განცხადება უკრაინის მიმართ რუსეთის „განახლებული რუკის“ ფონზე გააკეთა, რომელზეც ოკუპანტებმა ანექსირებული უკრაინის მიწები დაიტანეს.

პუტინმა სრულმასტაბიანი შეჭრის ერთ-ერთ საბაბად უკრაინის „დენაციფიკაცია“ დაასახელა.

ფრონტზე რუსი ოკუპანტების წარუმატებლობის ფონზე რუსეთმა შეცვალა თავისი ნარატივი და „დენაციფიკაციას“ აღარ ახსენებს.

თუმცა ოკუპანტებმა დაიწყეს მასირებული სარაკეტო დარტყმები უკრაინის კრიტიკული ინფრასტრუქტურის წინააღმდეგ. მილიონობით უკრაინელი ელეტქრომომარაგებისა და წყალმომარგების მხრივ უდიდესი პრობლემების წინაშე აღმოჩნდა.

უკრაინული მედია აღნიშნავს, რომ დაბომბვების მიუხედავად, რუსეთის დიქტატორი ცინიკურად აცხადებს მზადყოფნას უკრაინასთან მოლაპარაკებებისთვის, რომელიც {უკრაინა}  მისი თქმით, „ლენინმა შქმნა“. „დენაციფიკაციას“ პუტინი აღარ ახსენებს. თუმცა კრემლი ავრცელებს უგუნურ ნარატივს „ერთ ხალხსა“ და „ძმათამკვლელ ომზე“, რომელიც „კოლექტიურმა დასავლეთმა“ და „ანგლოსაქსებმა“დაიწყეს.