12 პუნქტის შესრულების არ მჯერა, ამიტომ მომხრე ვარ ივანიშვილს დაუწესდეს პერსონალური სანქციები - მალგოჟატა გოშევსკა
„მე ვარ მომხრე იმისა, რომ ბიძინა ივანშვილს დაუწესდეს პერსონალური სანქციები,“- ეს განაცხადება პოლონეთის სეიმის თავმჯდომარის მოადგილემ მალგოჟატა გოშევსკამ ქუთაისში მედიასთან გააკეთა.
მისი თქმით, ფიქრობს რომ „ქართული ოცნების“ ხელისუფლება ევროკავშირის კანდიდატობის სტატუსის მისაღებად პირობებს, რომელიც ევროკომისიის წარმომადგენლებმა საქართველოს მისცეს, სრულყოფილად არ შეასრულებს.
„მე არ მჯერა ამ 12 პუქნტის შესრულების, არ მჯერა, რომ ეს პუნქტები იმ სახით შესრულდება, რა სახითაც იყო რეკომენდაცია გამოცემული, ამიტომ მე პერსონალურად ვარ იმის მომხრე, რომ ივანიშვილს დაუწესდეს პერსონალური სანქციები,“- განაცხადა პოლონეთის სეიმის თავმჯდომარის მოადგილემ, მალგოჟატა გოშევსკამ.
მალგოჟატა გოშევსკა, გუშინ კლინიკა „ვივა მედში“ საქართველოს მესამე პრეზიდენტის მოსანახულებლად არ შეუშვეს. მას არც "მთავარი არხის" დამფუძნებლის, ნიკა გვარამიას მონახულების შესაძლებლობა მიეცა.
