აშშ უკრაინას დამატებით სამხედრო დახმარებას გამოუყოფს. ამის შესახებ ეროვნული უსაფრთხოების საკითხებში აშშ-ის პრეზიდენტის მრჩეველმა ჯეიკ სალივანმა ჟურნალისტებთან გამართულ ბრიფინგზე განაცხადა.

მისი თქმით, მხარდაჭერის ახალი პაკეტი მოიცავს Hawk-ის საჰაერო თავდაცვის სისტემის რაკეტებს და ოთხ ერთეულ ანტისაჰაერო თავდაცვის სისტემა Avenger-ის, რომლებიც აღჭურვილია გადასატანი საზენიტო რაკეტა Stinger-ებით.

„ერთი კვირაც არ გასულა, რაც მე კიევში გახლდით და მქონდა შესაძლებლობა, უშუალოდ პრეზიდენტ ზელენსკისთან და მის გუნდთან ერთად მემსჯელა, რა სჭირდება უკრაინას, რომ რაც შეიძლება ძლიერი პოზიციები ჰქონდეს ბრძოლის ველზე. საჰაერო თავდაცვის სიტემის გაძლიერება უკრაინისთვის არსებით როლს ასრულებს იმ ფონზე, როდესაც რუსეთი ფრთოსან რაკეტებსა და დრონებს იყენებს კრიტიკულ სამოქალაქო ინფრასტრუქტურის წინააღმდეგ“, – განაცხადა სალივანმა.

პენტაგონში განაცხადებით, სამხედრო მხარდაჭერის ახალი პაკეტის ღირებულება 400 მილიონი დოლარი იქნება.

ჯეიკ სალივანი კიევში 4 ნოემბერს ჩავიდა, რითაც მან უკრაინის მიმართ აშშ-ს ურყევი მხარდაჭერა კიდევ ერთხელ დაადასტურა.