საქართველოს მესამე პრეზიდენტი მიხეილ სააკაშვილი კვლევების ჩასატარებლად კლინიკა "ვივამედიდან" სხვა სამედიცინო დაწესებულებაში ჰყავდათ გადაყვანილი. ინფორმაციას მედიას "ვივამედის" კლინიკური დირექტორი ზურაბ ჩხაიძე უდასტურებს.

მისი თქმით, სააკაშვილი გარკვეული დაავადების გამორიცხვის ან დადასტურების მიზნით სხვა კლინიკაში გადაიყვანეს, სადაც ჩაუტარდა MRI კვლევა.ზურაბ ჩხაიძის განმარტებით, ამ კონკრეტული კვლევის ჩატარება ვივამედში ტექნიკური პრობლემის გამო იყო შეუძლებელი, ვინაიდან შესაბამისი აპარატი დღეს არ მუშაობდა.

რამდენიმე დღის წინ სააკაშვილის ადვოკატმა, შალვა ხაჭაპურიძემ განაცხადა, რომ ექს-პრეზიდენტს ტუბერკულოზი აქვს.