რუსეთმა ბაიდენის ოჯახის წევრებსა და თეთრი სახლის პრესმდივანს ქვეყანაში შესვლა აუკრძალა
ამერიკის შეერთებული შტატების 200 მოქალაქეს რუსეთში შესვლა აუკრძალეს. სანქცირებული ამერიკელების სია რუსეთის საგარეო უწყების ვებგვერდზე გამოქვეყნდა.
რუსეთის მიერ სანქცირებულთა სიაში მოხვდნენ აშშ-ს პრეზიდენტის, ჯო ბაიდენის და და 2 ძმა - ჯეიმს ბრაიან ბაიდენი, ფრენსის უილიამ ბაიდენი და ვალერი ბაიდენ ოუენსი.
რუსეთის საგარეო საქმეთა სამინისტროს ცნობით, მათ მიერ დაწესებული სანქციები ასევე შეეხება თეთრი სახლის პრესმდივანს, კარინ ჟან-პიერს.
რუსეთი აცხადებს, რომ აღნიშნული აკრძალვები ამერიკული სანქციების საპასუხოდ შემოიღო, რომელიც მას აშშ-მა უკრაინაში შეჭრის გამო დაუწესა.
