ომის შემსწავლელი ინსტიტუტის (ISW) შეფასებით, რუსეთი, ხერსონში მარჯვენა სანაპიროს დატოვების შემდეგ  ჯარებს სავარაუდოდ, დონეცკის ოლქში გადაისვრის, ოპერაციების გასააქტიურებლად ბახმუტისა და დონეცკის გარშემო, ასევე დონეცკის ოლქის დასავლეთით.

 „რუსული ჯარი ამ რაიონებში წარმატებას სავარაუდოდ მომდევნო დღეებისა და კვირების განმავლობაში მიაღწევენ, თუმცა ეს წარმატებები, სავარაუდოდ, არ იქნება მნიშვნელოვანი ოპეარტიულობის თვალსაზრისით“, - აღნიშულია ინსტიტუტის მორიგ ანგარიშში.  

ISW-ის ანალიტიკოსები ყურადღებას აქცევენ იმას, რომ რუსეთის თავდაცვის სამინისტრომ 13 და 14 ნოემბერს გაზარდა განცხადებების რაოდენობა დონეცკის რეგიონში რუსეთის ტერიტორიული მიღწევების შესახებ.

მათი მიზანია, ხაზი გაუსვან, რომ რუსული ჯარები ააქტიურებენ ოპერაციებს დონეცკის ოლქში ხერსონის მარჯვენა სანაპიროდან გასვლის შემდეგ.

რუსეთის თავადცვის სამინისტრომ განაცხადა, რომ რუსულმა არმიამ 13 ნოემბერს დაასრულა მაიორკის (ბახმუტის სამხრეთით 20 კმ) და 14 ნოემბერს პავლოვის (45 კმ დონეცკის სამხრეთ-დასავლეთით) დაკავება, მაშინ, როცა რუსეთს უკვე რამდენიმე კვირაა განცახდება არ გაუკეთებია ტერიტორიული მიღწევების შესახებ.

 „რუსეთის თავდაცვის სამინისტრო, სავარაუდოდ, წამოაყენებს უფრო კონკრეტულ ტერიტორიულ პრეტენზიებს, რათა შექმნას საინფორმაციო გარემო დონეცკის რეგიონში რუსეთის წარმატებების ხაზგასასმელად და ხერსონის ოლქში დანაკარგებით გამოწვეული უკმაყოფილების შესამცირებლად“, - აღნიშნავენ ISW-ის ანალიტიკოსები.