საქართველოში ჩვენ ვნახეთ  მნიშვნელოვანი უკუსვლა დემოკრატიული კუთხით, ამიტომაც განასხვავა ევროკომისიამ საქართველო მოლდოვასა და უკრაინისგან, - ამბობს ამერიკის შეერთებული შტატების ჰელსინკის კომისიის თავმჯდომარე, სენატორი ბენ კარდინი.

„საქართველო შეერთებული შტატების სტრატეგიული პარტნიორია. ჩვენ ვნახეთ მნიშვნელოვანი უკუსვლა დემოკრატიული კუთხით, ამიტომაც განასხვავა ევროკომისიამ საქართველო მოლდოვასა და უკრაინისგან. ეს ნათლად მიუთითებს იმაზე, რომ უკუსვლას ევროკავშირიც ხედავს. ჩვენ ასევე ვნახეთ კრიტიკა ჩვენი ელჩის მიმართ, სასამართლო რეფორმის ჩავარდნა და ჩვენ აბსოლუტურად ნათელი უნდა გავხადოთ, რომ ცხადი პროგრესი დემოკრატიული მიზნების მიღწევის კუთხით კრიტიკულად მნიშვნელოვანია შეერთებული შტატების მიერ საქართველოს მხარდაჭერის გაგრძელებისთვის“, - თქვა ბენ კარდინმა.