უკრაინის პრეზიდენტის ოფისის ხელმძღვანელის მრჩეველი მიხაილო პოდოლიაკი აცხადებს, რომ ომის დაწყებიდან დღემდე უკრაინაში 13 000 უკრაინელი ჯარისკაცი დაიღუპა. ამის შესახებ ​პოდოლიაკმა უკრაინულ მედიას განუცხადა. იუწყება BBC

BBC-ის ცნობით, უკრაინის შეიარაღებულ ძალებს ეს ინფორმაცია ჯერ არ დაუდასტურებია.

„ჩვენ გვაქვს გენშტაბის ოფიციალური შეფასება, მთავარსარდლის ოფიციალური შეფასება და დაღუპულთა რაოდენობა 10 000-დან 12 500-13 000-მდე მერყეობს“, – განაცხადა უკრაინის პოდოლიაკმა.

პოდოლიაკმა ასევე აღნიშნა, რომ ომის დროს მოკლული რუსი ჯარისკაცების რაოდენობა 100 000-ს აღწევს, ხოლო კიდევ 100-150 000 დაჭრილი ან დაკარგულია.

მანამდე ევროკომისიის პრეზიდენტმა ურსულა ფონ დერ ლაიენმა განაცხადა, რომ უკრაინაში რუსეთის ომს100 000 უკრაინელი ჯარისკაცი ემსხვერპლა. მოგვიანებით, ევროკავშირის პრესსამსახურში განაცხადეს, რომ ეს ციფრები შეცდომა იყო და საქმე ეხება დაჭრილთა და მოკლულთა საერთო რაოდენობას.