მოძრაობა "სირცხვილია" ითხოვს, 6 დეკემბერი გლოვის დღეს გამოცხადდეს.

"როდესაც ამ ქვეყნის შვილები მტერთან ბრძოლაში გმირულად იღუპებიან, გლოვის დღის გამოცხადება ინსტინქტი უნდა იყოს.

დაწეული დროშებით, სიმბოლურად მაინც ხომ უნდა ვაჩვენოთ, რომ ისევ ერი გვქვია, რომ ისევ გვაქვს მცირე სინდისი მაინც. რომ ცხოვრებას დანაკარგის იგნორირებით კი არა - მისი შემჩნევით, დაფასებითა და მომავლის იმედად ვაგრძელებთ.

როგორია ცხოვრება მშვიდობის ქალაქად შეფუთულ კოლაბორაციონიზმისა და სირცხვილის ქალაქში?

დიდება გმირებს!", - წერია განცხადებაში.

5 ქართველი მებრძოლი დონეცკის რეგიონში, ბახმუტთან რუს ოკუპანტებთან ბროლაში 3 დეკემბერს დაიღუპა.