აშშ-ის ადმინისტრაცია რუსეთის, როგორც ტერორიზმის სპონსორი სახელმწიფოს აღიარებაზე კონგრესთან მუშაობს.

ამის შესახებ სახელწმიფო მდივანმა ენტონი ბლინკენმა CNN-თან ინტერვიუში განაცხადა.

„ჩვენ განვიხილავთ სხვადასხვა ზომას, რომელიც შეგვიძლია მივიღოთ ზეწოლის გაძლიერების აუცილებლობის შემთხვევაში. ამჟამად ვმუშაობთ კონგრესთან ერთად კანონმდებლობაზე, რაც დაგვეხმარება ზოგიერთი პრობლემის აცილებაში, რომელიც დაკავშირებულია ტერორიზმის სპონსორი სახელმწიფოს განსაზღვრისთვის. ჩვენ ვეძებთ - კონგრესთან ვმუშაოთ იმაზე, თუ როგორ წავიწიოთ წინ, რათა მივიდეთ შედეგამდე“, - განაცხადა ბლინკენმა.

23 ნოემბერს ევროპარლამენტმა მიიღო რეზოლუცია რუსეთის ტერორიზმის სპონსორ სახელმწიფოდ აღიარების შესახებ.

მანამდე, 21 ნოემბერს ნატო-ს საპარლამენტო ასამბლეამ რუსეთის ფედერაცია და მისი რეჟიმი ტერორისტულ სახელმწიფოდ გამოაცხადა.