აშშ-ის ცენტრალური სადაზვერვო სამმართველოს (CIA) დირექტორი უილიამ ბერნსი აცხადებს, რომ ამ ტაპზე რუსეთი რეალური მოლაპარაკებისთვის სერიოზულად განწყობილი არ არის.

ამის შესახებ მან PBS-თან ინტერვიუში განაცხადა.

 „კონფლიქტების უმეტესობა მოლაპარაკებებით მთავრდება, მაგრამ ეს რუსეთის მხრიდან სერიოზულობას მოითხოვს, რასაც ჩემი აზრით, ამ ეტაპზე ვერ ვხედავთ. ყოველ შემთხვევაში ჩვენ არ ვფიქრობთ, რომ რუსეთი ამ მომენტისთვის სერიოზულად არის განწყობილი რეალური მოლაპარაკებისთვის“, - განაცხადა ბერნსმა.

ამასთან, მან განაცხადა, რომ რუსეთის პრეზიდენტი ვლადიმირ პუტინი ცდება, როდესაც დარწმუნებულია, რომ ომს დიდი ხნის განმავლობაში გააგრძელებს და მას ვერაფერი შეაჩერებს.

 „ვფიქრობ, რომ ის ცდება, ამ ფსონის გაკეთებისას, ისევე როგორც ცდებოდა, ძალიან ცდებოდა 24 თებერვალს, როდესაც მან ეს ომი წამოიწყო“, - განაცხადა ბერნსმა.

მან აღნიშნა, რომ რუსი სამხედროები ამჟამად ძალიან არიან გატეხილები, უკრაინელი ჯარისკაცები კი მტკიცედ დგანან გააგრძელონ ზეწოლა და განავითარონ მიღწევები ბრძოლის ველზე.

ამასთან, ბერნსმა აღნიშნა, რომ უკრაინელებს ასევე სჭირდებათ დრო ხელახლა აღჭურვისა და მარაგების შევსებისთვის.