ტელერახ NBC News-ის ცნობით, აშშ-ში ზამთრის შტორმის შედეგად სულ მცირე 57 ადამიანი დაიღუპა, მათ შორის 27 ნიუ იორკის შტატის ერის ოლქში.

ოლქის ადმინისტრაციის ხელმძღვანელის მარკ პოლონკარცის განცხადებით, დაღუპულთა რაოდენობა შესაძლოა გაიზარდოს, რადგან ერი ოლქში თოვა გრძელდება, რის გამოც უმეტეს რაიონში, მათ შირის ბუფალოს ნაწილში საავტომობილო გზები გაუვალია.

მთელი ქვეყნის მასშტაბით, ჰაერის ტემპერატურა მკვეთრად დაეცა, თოვლის უზარმაზარი მასის გამო კი მოსახლეობა სახლებში ჩაიკეტა და გადაადგილებას ვერ ახერხებს.

NBC News -ის ბოლო მონაცემებით, შტორმმა, რომელმაც კანადის საზღვართან მდებარე დიდი ტბებიდან, მექსიკის საზღვრამდე მდინარე რიო-გრანდემდე ტერიტორია მოიცვა, სულ მცირე 57 ადამიანი შეიწირა.

გარდაცვალების შემთხვევები დაფიქსირდა კოლორადოს. ილინიოსის, კანზასის, კენტუკის, მიჩიგანის, მისურის, ნებრასკას, ნიუ იორკის, ოჰაიოს, ოკლაჰომას, ტენესისა და ვისკონსინის შტატებში.