უკრაინის პრეზიდენტმა ვოლოდიმერ ზელენსკიმ, ხელი მოაწერა განკარგულებას ეროვნული უსაფრთხოებისა და თავდაცვის საბჭოს გადაწყვეტილების შესრულების შესახებ და რუსი მომღერლების, პროპაგანდისტების, ტელეწამყვანებისა და რეჟისორების მიმართ სანქციები დააწესა. 

სიაში სულ 119 ადამიანია. სანქცირებულთა შორის არიან: ფილიპ კირკოროვი, დიმა ბილანი, ნიკიტა მიხალკოვი, ირინა ალეგროვა, ევგენი პეტროსიანი, მარგარიტა სიმონიანი, ლეონიდ იაკუბოვიჩი, ლარისა დოლინა, მიხაილ შუფუტინსკი, დიმიტრი ხარატიანი, მიხაილ გალუსტიანი, მომღერალი ლოლიტა მილავსკაია, ფეხბურთელი ანატოლი ტიმოშჩუკი და სხვები.

სანქციები 10-წლიანია და ითვალისწინებს უკრაინაში მათი აქტივების ბლოკირებას, სავაჭრო ოპერაციების შეზღუდვას, უკრაინის ტერიტორიაზე გადაადგილების აკრძალვას, ქვეყნის სახელმწიფო ჯილდოების ჩამორთმევას, ვიზების აღების აკრძალვას და სხვა ზომებს.