უკრაინის სამოქალაქო ობიექტების წინააღმდეგ რუსული საავიაციო და სარაკეტო დარტყმების მაღალი საფრთხე ქვეყნის მთელს ტერიტორიაზე შენარჩუნებულია. ამის შესახებ უკრაინის შეიარაღებული ძალების გენშტაბი იუწყება.

გასულ დღე-ღამეში რუსეთის ძალებმა 25 საავიაციო დარტყმა და ზალპური ცეცხლის რეაქტიული სისტემებიდან 85-ზე მეტი გასროლა განახორციელა.

გენშტაბის ცნობით, რუსეთისა და ბელარუსის შეიარაღებული ძალების ქვედანაყოფები უკრაინის სახელმწიფო საზღვართან არიან განლაგებული, თუმცა საზღვრისპირა რაიონებიდან მტრის თავდასხმები არ დაფიქსირებულა,  

ბახმუტის მიმართულებით ოკუპანტების ცეცხლის ქვეშ 22 დასახლებული პუნქტი მოექცა.

ზაპოროჟიეს მიმართულებით მტრის საატილერიო ცეცხლისგან დაზარალდა 24 დასახლებული პუნქტი.

ხერსონის მიმართულებით ზალპური ცეცხლის რეაქტიული სისტემებისა და ქვემეხების ცეცხლის ქვეშ მოყვა 20-ზე მეტი დასახლებული პუნქტი.

უკრაინის ავიაციამ გასულ დღე-ღამეში 13 დარტყმა მიაყენა რაიონებს, სადაც თავმოყრილია მტრის ძალები, სამი დარტყმა კი რუსულ საზენიტო-სარაკეტო კომპლექსების პოზიციებს.