გერმანიის თავდაცვის მინისტრი, ბორის პისტორიუსი აცხადებს, რომ მთავრობა მზად არის, გადაწყვიტოს უკრაინისთვის Leopard-ის ტანკების მიწოდების საკითხი თუ მოკავშირეების კონსენსუსი იქნება.

ის უარყოფს, რომ ბერლინი უკრაინისთვის Leopard-ის ტანკების მიწოდებას ცალმხრივად ბლოკავს.

ამის შესახებ პისტორიუსმა გერმანიაში, "რამშტაინის" ბაზაზე უკრაინის საკონტაქტო ჯგუფის შეხვედრისას მედიასთან განაცხადა.

„არსებობს კარგი არგუმენტები როგორც მიწოდების სასარგებლოდ, ისე საწინააღმდეგო და ომის გათვალისწინებით, რომელიც თითქმის ერთი წელია, მიმდინარეობს. ყველა დადებითი და უარყოფითი მხარე ძალიან გულდასმით უნდა შეფასდეს“, – განაცხადა მინისტრმა.

პისტორიუსის განმარტებით, გერმანიას საბოლოო გადაწყვეტილება ჯერ არ მიუღია მიაწოდებს თუ არა Leopard-ის ტიპის ტანკებს უკრაინას.

პისტორიუსს არც იმაზე უსაუბრია, მისცემს თუ არა სხვა ქვეყნებს იმის უფლებას რომ, მათ მიერ წარმოებული Leopard-ის ტანკები უკრაინას გადასცეს.