"რამშტაინის" ბაზაზე გამართული უკრაინის საკონტაქტო ჯგუფის შეხვედრის დასრულების შემდეგ, აშშ-ის თავდაცვის მდივანმა, ლოიდ ოსტინმა მადლობა გადაუხადა საფრანგეთს, გერმანიას, დიდი ბრიტანეთს, ნიდერლანდებსა და კანადას გადაწყვეტილებისთვის მიაწოდონ უკრაინას საჰაერო თავდაცვის სისტემები.

მისი თქმით, Leopard-ის ტიპის ტანკების საკითხის გადაწყვეტა ვერ მოხერხდა, თუმცა გაზაფხულამდე შესაძლებლობების ფანჯარა ღიაა. " ჩვენ გვაქვს შესაძლებლობების ფანჯარა გაზაფხულამდე, როდესაც უკრაინა კონტრშეტევას დაიწყებს და ეს დიდხანს არ გაგრძელდება", - თქვა ოსტინმა.

მისი თქმით: "საჰაერო თავდაცვის ახალი სისტემები, რომლებიც უკრაინას გადაეცემა, უამრავი ადამიანის სიცოცხლეს გადაარჩენს."

დახმარების საერთო მოცულობის კომენტირებისას, ლოიდ ოსტინმა თქვა: ”ეს არის ძალიან, ძალიან ეფექტური პაკეტი და თუ სწორად გამოიყენებენ, ეს მათ წარმატების მიღწევის საშუალებას მისცემს”.