სანამ მიხეილ სააკაშვილი იმყოფება საპყრობილეში და გახლავთ პუტინის პირადი პატიმარი, მე, რა თქმა უნდა, პარტიაში აუცილებლად დავრჩები, მერე უკვე მეც გადავწყვეტ ჩემს სამომავლო გეგმებს, - ამის შესახებ  "ერთიანი ნაციონალური მოძრაობის" პოლიტსაბჭოს თავმჯდომარემ, კობა ნაყოფიამ "მთავართან" ინტერვიუში განაცხადა.

მისი თქმით, პოლიტსაბჭოს თავმჯდომარეობისთვის აღარ იბრძოლებს.

"პოლიტსაბჭოს არჩევნები არის დაგეგმილი მარტში, ეს ისედაც დაგეგმილი იყო. როდესაც ეს [თავმჯდომარის] არჩევნები გამოცხადდა, ჩემი განცხადებაც იყო ასეთი, რომ რა გვეჩქარება, შეგვეძლო, ყველაფერი ერთად ჩაგვეტარებინა, რომ ამდენი არჩევნები არ ყოფილიყო. ალბათ, მარტში გაიმართება [პოლიტსაბჭოს არჩევნები].

დიდი ალბათობით, [პოლიტსაბჭოს თავმჯდომარეობისთვის აღარ ვიბრძოლებ]. დიდი ალბათობით, [მარტში მუშაობას დავასრულებ]. [მელიასა და მისი თანამოაზრეების პარტიიდან გასვლაზე] არ მქონია საუბარი ნიკა მელიასთან, ალბათ, გვექნება, ახლა უკვე შედეგი დამდგარია და ამაზე საუბარი შეიძლება. ალბათ, გადაწყვეტს თვითონ, რა უნდა გააკეთოს მომავალში, არ ვიცი, რა გეგმები აქვს ამ არჩევნების შემდეგ. რაც შეეხება ჩემს პარტიაში ყოფნას, მე ამ პარტიაში ვარ უკვე დიდი ხანია, როგორც მინიმუმ, სანამ მიხეილ სააკაშვილი იმყოფება საპყრობილეში და გახლავთ პუტინის პირადი პატიმარი, მე, რა თქმა უნდა, პარტიაში აუცილებლად დავრჩები, მერე უკვე მეც გადავწყვეტ ჩემს სამომავლო გეგმებს",- განაცხადა კობა ნაყოფიამ.