რუსეთის ჯარებმა უკრაინაში შეჭრის წლისთავი, შესაძლოა, აღმოსავლეთსა და სამხრეთში ახალი შეტევით აღნიშნოს. ამის შესახებ უკრაინის თავდაცვის მინისტრმა ოლექსეი რეზნიკოვმა ფრანგულ ტელერახ BFMTV-თან ინტერვიუში განაცხადა.

 „არ შეიძლება დავკარგოთ ინიციატივა. თუ გავითვალისწინებთ, რომ ისინი {რუსები} ცხოვრობენ სიმბოლიკებით, მათ შესაძლოა, 24 თებერვალს რაღაც სცადონ. ჩვენ მტერს არ ვაფასებთ“, - თქვა რეზნიკოვმა.

რეზნიკოვის თქმით, რუსეთს მობილიზებლი ჰყავს 500 ათასი სამხედრო.

 „ოფიციალურად განაცხადეს 300 ათასის შესახებ, მაგრამ როდესაც ვხედავთ ჯარს საზღვრებთან, ჩვენი შეფასებებით, ეს მნიშვნელოვნად მეტია“, - განაცხადა რეზნიკოვმა.

ამასთან, Bloomberg-ი კრემლთან დაახლოებულ წყაროზე დაყრდნობით იუწყება, რომ რუსეთი უკრაინის წინააღმდეგ ახალ იერიშს 2023 წლის თებერვალში ან მარტში გეგმავს.