ბრიტანეთის დაზვერვის შეფასებით, რუსეთის ძალებმა ბოლო კვირის განმავლობაში ბახმუტის დამცველებს მდგომარეობა გაურთულეს.

უწყების ანგარიშში აღნიშნულია, რომ ბოლო კვირის განმავლობაში რუსებმა ბახმუტის ალყაში მოსაქცევად უმნიშვნელოდ წინ წაიწიეს.

 „ქალაქამდე მისასვლელი ორი ძირითადი გზა სავარაუდოდ, პირდაპირი ცეცხლის საფრთხის ქვეშ მოექცა რუსეთის ძალების წინსვლის შედეგად. „ვაგნერის’ მებრძოლებმა მაღალი ალბათობით, ხელთ იგდეს კიდევ ერთი გზატკეცილი, რომელიც ბახმუტს სევერსკისთან აკავშრებს. მიუხედავად იმისა, რომ ჯერ კიდევ არსებობს მრავალი ალტერნატიული მიწოდების მარშრუტი, ბახმუტი სულ უფრო იზოლირებული ხდება“, - ნათქვამია ინფორმაციაში.

ამასთან, უკრაინის თავდაცვის სამინისტრო აცხადებს, რომ რუსებმა კვირის განმავლობაში დიდი ძალები გადაისროლეს უკრაინის თავდაცვის გასარღვევად და ბახმუტის ალყაში მოსაქცევად, ასევე განავითარეს მძლავრი შეტევითი მოქმედბები ლიმანის მიმართულებით.