ბოლო 6-8 თვეა, საქართველოში მიმდინარეობს კამპანია, რაც საფრთხეს უქმნის მჭიდრო პარტნიორობას საქართველოსა და დასავლეთს, შორის ეს ეწინააღმდეგება ქართველი ხალხის  არჩევანს, რომელსაც ცხადად აქვს არჩეული ევროპისკენ სვლა  - ამის საქართველოში აშშ-ის ელჩმა, კელი დეგნანმა განაცხადა.

დეგნანი აღნიშნავს, რომ ხალხს უნდა ევროპული მომავალი, ძლიერი დემოკრატია, კეთილდღეობა და არა რუსეთზე დამოკიდებულება.

„ცხადია, ბოლო 6-8 თვეა, საქართველოში მიმდინარეობს გარკვეული კამპანია, რაც საფრთხეს უქმნის მჭიდრო პარტნიორობას საქართველოსა და დასავლეთს, საქართველოსა და ამერიკის შეერთებულ შტატებს, საქართველოსა და ევროკავშირს შორის. ეს ეწინააღმდეგება ქართველი ხალხის იმ მკაფიო არჩევანს, რომელსაც ცხადად და დადასტურებულად აქვს არჩეული ევროპისკენ სვლა. ხალხს უნდა ევროპული მომავალი, ხალხს უნდა ძლიერი დემოკრატია, ეკონომიკის დივერსიფიცირება, კეთილდღეობა და არა რუსეთზე დამოკიდებულება. საქართველომ გასულ წლებში დიდ პროგრესს მიაღწია რუსეთზე დამოკიდებულების შესამცირებლად. ეს უნდა გაგრძელდეს, საქართველოს არ სჭირდება რუსეთზე დამოკიდებულება ვაჭრობის, უსაფრთხოების ან ნებისმიერი კუთხით. საქართველოს ჰყავს ძლიერი მეგობრები, ჩვენ გვჭირდება ძლიერი მეგობრები და ის, ვინც კითხვის ნიშნის ქვეშ აყენებს ამერიკის შეერთებულ შტატებთან, ევროკავშირთან და სხვა ქვეყნებთან საქართველოს მჭიდრო პარტნიორობას, მათ უნდა გაიგონ ქართველი ხალხის ხმა, რომ ეს მიუღებელია. თქვენი ხმა, თქვენი არჩევანი, თქვენი მომავალი ევროპაა“, – განაცხადა კელი დეგნანმა.