ბიძინა ივანიშვილის თქმით, ღარიბაშვილმა თვითონ მოისურვა გადადგომა
"ქართული ოცნების" საპატიო თავმჯდომარის ბიძინა ივანიშვილის განცხადებით, ირაკლი ღარიბაშვილმა თვითონ მოისურვა პრემიერ-მინისტრის თანამდებობიდან გადადგომა.
ასე უპასუხა ბიძინა ივანიშვილმა ჟურნალისტების შეკითხვას, თუ რატომ იცრუა, როდესაც თქვა, რომ პრემიერ-მინისტრი არ შეიცვლებოდა.
"რა უნდა დავუწუნო, ნახეთ, როგორი კაცია. თვითონ მოისურვა, მე არ მომისურვებია", – აღნიშნა ივანშვილმა.
"ქართულმა ოცნებამ" პარტიის ყრილობა გამართა, სადაც თავმჯდომარედ ირაკლი ღარიბაშვილი აირჩიეს.
ბიძინა ივანიშვილმა პრემიერ-მინისტრობის კანდიდატად ირაკლი კობახიძე წარადგინა.
