საქართველოს ტრანსპორტის პროფკავშირი ზუგდიდში მძღოლების პროტესტს ეხმაურება და აცხადებს, რომ კომპანია "მეტრო"-ს ე.წ. ავტო სადგურიდან მგზავრების გადაყვანის უფლება არ აქვს.

,,ზუგდიდში განვითარებულ მოვლენებთან დაკავშირებით ტრანსპორტის პროფკავშირი შეშფოთებას გამოთქვამს და სამართალდამცველ სტრუქტურებს მოუწოდებს- დროულად აღკვეთონ უკანონო სადგურის ფუნქციონირება.

ტრანპორტის პროფკავშირის თავმჯდომარის, ლავრენტი ალანიას განცხადებით, კომპანია "მეტრო"-ს ე.წ. ავტო სადგურიდან მგზავრების გადაყვანის უფლება არ აქვს. ასევე მისი თქმით მძროლების შიში, დაკარგონ სამსახური საფუძვლიანია, მოთხოვნები კი სრულებით სამართლაინი. ტრანსპორტის პროფკავშირი აპირებს გაასაჩივროს, აქციის მიმდინარეობისას დაკავებული და შემდეგ ადმინისტრაციული სასჯელით გათავისუფლებული 6 მძღოლის სახდელი“, - ნათქვანია პროფკავშირის მიერ გავრცელებულ განცხადებაში.

ზუგდიდის ცენტრში - 200-მდე მძღოლმა დღეს, ქალაქში ,,მეტრო ჯორჯიას” ავტობუსების შესვლა გააპროტესტა. რამდენჯერმე იყო გზის გადაკეტვის მცდელობა. სამართალდამცავებმა აქციის 6 მონაწილე დააკავეს. აქციის მონაწილეები საქმეში ხელისუფლების ჩარევას ითხოვენ, რადგან, მათი თქმით, თურქული კომპანიის შესვლით ისინი სამუშაოს კარგავენ.