აჭარული სამზარეულოს შესახებ პოპულარული რუსული ტელეარხი „Моя планета“ 30 წუთიან გადაცემას ამზადებს. ტელეარხზე ცნობილი გადაცემის Планета вкусов   გადამღები ჯგუფი სამი დღით ბათუმში იმყოფებოდა. მათ აჭარული ხაჭაპურისა და სხვა ცნობილი ადგილობრივი კერძების დამზადების პროცესი გადაიღეს. გარდა ამისა, გაეცნენ აჭარის ტურისტულ პოტენციალს და ფილმში ქალაქის ღირსშესანიშნაობებზეც ისაუბრებენ. დოკუმენტური ფილმის სცენარის მიხედვით გადაცემის წამყვანი ანტონ ზაიცევი მაყურებელს აჭარული ხაჭაპურის, ბორანის, სინორის, კაიმაღისა და კეფალის აჭარულად მომზადებას ასწავლის და პარალელურად კერძების შექმნისა და ბათუმის ისტორიის შესახებ ესაუბრება. ის ქალაქის სავიზიტო ადგილებიდან აკეთებს ჩართვებს და მაღალმთიან აჭარასაც სტუმრობს, სადაც აჭარული ღვინისა და ჭაჭის დაყენების ტექნოლოგიებს აკვირდება. გადაცემა  „Планета вкусов“   ყოფილ საბჭოთა კავშირის ქვეყნებსა და ბალტიის პირეთში გადაიცემა და არხის 23 მილიონიან აუდიტორიაში პოპულარობით სარგებლობს.  

ტელეკანალ „Моя планета“-ს გადამღები ჯგუფი აჭარას სარეკლამო კამპანიის ფარგლებში სტუმრობს. აჭარის ტურიზმისა და კურორტების დეპარტამენტმა მიმდინარე წლიდან დაიწყო სარეკლამო და მარკეტინგული აქტივობებები რუსეთის ფედერაციაში, რაც  პრესს და ინფო ტურების ორგანიზებას, სხვადასხვა პიარ აქტივობებსა და ონლაინ რეკლამებს ითვალისწინებს.