ვახტანგ გომელაური სუს-ის მუშაობის ანგარიშს პარლამენტში დღეს არ წარადგენს
”ერთიანი ნაციონალური მოძრაობის” მოთხოვნის მიუხედავად, პარლამენტში ვახტანგ გომელაური სახელმწიფო უსაფრთხოების სამსახურის მუშაობის ანგარიშს დღეს არ წარადგენს.
მმართველ გუნდში აცხადებენ, რომ უწყების ანგარიშის მოსმენა სესიაზე აუცილებლად მოხდება, თუმცა ამ ეტაპზე თარიღი ზუსტდება.
დღევანდელ პლენარულ სხდომაზე დეპუტატები საკონსტიტუციო სასამართლოს შესახებ კანონში ინიცირებულ ცვლილებებს პირველი მოსმენით განიხილავენ.
დღის წესრიგშია ასევე ,,სკოლამდელი აღზრდისა და განათლების კანონში” განსახორციელებელი ცვლილებების განხილვა.
