ამერიკის სახელმწიფო მდივნის მეორე მოადგილე ბენჯამენ ზიფი ანტიდასავლური პროპაგანდის წინააღმდეგ ბრძოლის აუცილებლობაზე საუბრობს. ნატო-ს კვირეულის გახსნაზე მან ხაზი გაუსვა იმას, რომ აუცილებელია,  მთავრობამ განსაზღვროს ბრძოლის მექანიზმები.

„აუცილებელია, რომ მთავრობამ, სამინისტროებმა შეიმუშაონ სისტემა, როგორ დაუპირისპირდეს პროპაგანდასა და დეზინფორმაციას. ხელისუფლებამ უნდა ჩამოაყალიბოს ამ საკითხისადმი ფორმალური მიდგომა, განიხილოს მესიჯები, მოახერხოს გავრცელებული ინფორმაციის იფენტიფიცირება და განსაზღვროს, როგორ დაუპირისპირდეს პროპაგანდას",-  განაცხადა ზიფმა.

მისივე თქმით, ბუქარესტში 2008 წელს საკმაოდ ნათელი გზავნილი იყო, რომ საქართველო გახდება ნატო-ს წევრი და ქვეყნაში მიმდინარე რეფორმებიც აქეთკენაა მიმართული.

„ერთობლივი აქტივობები, წვრთნები, საქართველოს კონტრიბუცია სამშვიდობო მისიებში, წევრობისკენ გადადგმული ნაბიჯია. მსხვერპლი, რომელიც გაიღო საქართველომ, დაღუპული სამხედროები, დაფასებულია და ის რეფორმები, რომლებიც მიმდინარეობს , მიმართულია იმისკენ, რომ საბოლოო ჯამში, საქართველო გახდეს ნატო-ს წევრი", -  განაცხადა ბენჯამენ ზიფმა.