"ნაციონალურ მოძრაობაში“ წინასაარჩევნოდ კოალიციის შექმნას არ გამორიცხავენ. ,,ნაციონალი“ ვიცე-სპიკერი გიორგი ბარამიძე აცხადებს, რომ ,,რაღაც ამდაგვარი ნაბიჯი შესაძლოა გადაიდგას“, თუმცა მთავარი საარჩევნო სუბიექტი „ნაციონალური მოძრაობა“ იქნება.

„გამორიცხული არ არის საარჩევნო ინტერესებიდან გამომდინარე რაღაც ამგვარი ნაბიჯები გადაიდგას, მაგრამ „ნაციონალური მოძრაობა“ იქნება ძირითადი პოლიტიკური სუბიექტი, რომელიც არჩევნებში მიიღებს მონაწილეობას. დანარჩენი ტაქტიკურად რა იქნება ჩვენთვის მიზანშეწონილი, ბუნებრივია, ამ გადაწყვეტილებას როცა მიიღებს პარტიის პოლიტიკური საბჭო, თქვენ იქნებით პირველები, რომლებიც ამას გაიგებთ. ჩვენ მუდმივად გვაქვს დიალოგი საქართველოში არსებულ პრაქტიკულად ყველა პოლიტიკურ ორგანიზაციასთან, გარდა „ქართული ოცნებისა“ სხვადასხვა თემებთან დაკავშირებით. “ქართულ ოცნებასთან“ ვურთიერთობთ როგორც ხელისუფლებასთან, რამეს მივუთითებთ, მაგრამ სამწუხაროდ არაფერი შეუსმენიათ“, - განაცხადა ბარამიძემ.