“დიდი სურვილი გვაქვს, პარტიის სათავეში პრემიერ-მინისტრი იყოს. ეს ლოგიკურია, რადგან ის პარტიის ლიდერია,.- განაცხადა 2030-ის სტუდიაში სტუმრობისას პარლამენტის ვიცე-სპიკერმა მანანა კობახიძემ.

თუმცა, საარჩევნო კოდექსის მიხედვით  საარჩევნო მარათონში ჩართვის შემთხვევაში, პრემიერმინისტრი უნდა გადადგეს, რამაც კობახიძის აზრით შეიძლება დესტაბილიზაცია გამოიწვიოს, ამიტომ მისი განცხადებით, ეს ნორმა უნდა შეიცვალოს.

როგორც მანანა კობახიძემ აღნიშნა, საარჩევნო სია ჯერ შედგენილი არ არის.

„საარჩევნო სია შედგენილი ჯერ არ არის. პროცესი კონსულტაციების რეჟიმში მიმდინარეობს, რომელშიც მე არ ვმონაწილეობ, მაგრამ სიაში ყოფნას ვგეგმავ. პროფესიონალური ნიშნით შერჩეული ახალი სახეები იქნება, თუმცა, პოლიტიკური გამოცდილების მქონე ძველი სახეების არსებობაც მნიშვნელოვანია. პარლამენტს მეტი კვალიფიციური ეკონომისტი, იურისტი და ფინანსისტი სჭირდება, მაგრამ საკანონმდებლო ორგანოში სპორტსმენებისა და მსახიობების ყოფნაც მნიშვნელოვანია. კონსულტაციები ბევრ საინტერესო ადამიანთან მიმდინარეობს.“ -აღნიშნა კობახიძემ.