ისლამისტებთან შეტაკებისას 23 ფილიპინელი სამხედრო დაიღუპა
23 ფილიპინელი სამხედრო დაიღუპა ისლამისტებთან შეტაკებისას. შემთხვევის შედეგად, რომელიც ქვეყნის სამხრეთით მოხდა, კიდევ 50-ზე მეტი ჯარისკაცი დაშავდა.
ფილიპინების არმიის წარმომადგენელთა თქმით, სამხედროები დაჯგუფება ”აბუ საიაფის” წინააღმდეგ სპეცოპერაციას კუნძულ ბასილანზე ატარებდნენ. ურთიერთსროლის შედეგად ხუთი მებრძოლი დაიღუპა.
”ფრანს პრესის” ინფორმაციით, შეტაკებაში ასამდე მებრძოლი მონაწილეობდა.
მანამდე ქვეყნის ხელისუფლებამ დაჯგუფების ლიდერის ადგილმდებარეობის შესახებ ინფორმაციისათვის 5 მლნ დოლარი დააწესა.
”აბუ საიაფი” ”ალ ქაიდას მოკავშირეა და ფილიპინების სამხრეთ ნაწილშია ბაზირებული.
